Liloba oyo <<Kokende motako>> elingaka koloba nini ?
Motako ezali oyo babengaka na français "Cuivre".
Na tango ya kala na Equateur bato bazalaká kosalela motako lokola mbongo.
Ezalaki na bomengo mingi.
Na yango bato bazalaka kolongwa Equateur ti na Katanga po na kokende koluka kaka yango mpe bazonga na bamboka na bango.
kasi lokola babandáka kokende bato ebele mpe nzela ezalaki molayi makasi, ebele kati na bango bazalaki soki bakeyi na Katanga koluka motako bazalaki kozonga te; misusu bazalaki kokufa na nzela, misusu mpe bazalaki kokoma ti na Katanga kasi bazalaki kozonga na mboka na bango na pasi.
Yango etikala ti lelo na elobeli ya bato "Akenda motako" po na koloba ete "Moto akenda libela". Nzoka nde ezalaki na ngo kaka mobembo ya molayi po na koluka motako.
Définition : Akenda motako = Akenda libela.
Synonyme : Akenda Aziza ( oyo tokoyekola yango na mbala ya sima )
PS : elili ya mbongo ya motako ya tango ya kala.
Molakisi Edimo Lumbidi
0 Commentaires